Ұжымдық қауіпсіздік туралы шарт ұйымында оған қатысушы елдер озық қару-жарақ пен техниканы бірлесіп шығаруды жолға қоюды жоспарлап отыр. Бұл туралы ұйымның бас хатшысы Станислав Зась ҰҚШҰ-ның стратегиялық дамуы талқыланған дөңгелек үстел отырысында мәлімдеді.
Зась атап өткендей, ҰҚШҰ-ға мүше елдердің басшылары Тараптардың қорғаныс-өнеркәсіп кешендері арасында көпжақты ынтымақтастықты жолға қойғысы келеді. Болашақта мемлекеттер қару-жарақ пен техниканы бірлесіп шығарып қана қоймай, жөндеу және техникалық қызмет көрсету бойынша тұтас сервистік желіні құруды жоспарлап отыр.
“Әскери-экономикалық ынтымақтастық саласындағы басты перспективалық міндет-ҰҚШҰ-ға мүше елдердің қару – жарақтың, әскери техниканың және басқа да әскери мақсаттағы өнімдердің заманауи үлгілерін бірлесіп әзірлеу және өндіру бойынша қорғаныс-өнеркәсіптік кешендерінің практикалық көпжақты өзара іс-қимылын дамыту”, – деді Бас хатшы.
Қазіргі уақытта ҰҚШҰ-ға мүше мемлекеттер белгіленген стратегиялық бағдарға апаратын жолдың басында тұр, деп қосты ол.
Бұған дейін Ресей Сыртқы істер министрлігі басшысының орынбасары Александр Панкин сыртқы күштер Ұжымдық қауіпсіздік туралы шарт ұйымына кіретін мемлекеттердің ішкі істеріне араласуға тырысатынын айтқан болатын.
ҰҚШҰ құрамына Армения, Беларусь Республикасы, Қазақстан, Қырғыз Республикасы, Ресей Федерациясы және Тәжікстан сияқты елдер кіреді.
Сурет: ria.ru
