Парламент Сенаты “Тәуелсіз Мемлекеттер Достастығына қатысушы мемлекеттердің бас бостандығынан айыруға байланысты емес жазалардың орындалуын беру туралы конвенциясын ратификациялау туралы”заң қабылдады.
“Осы Заңның қабылдануы олар азаматтары болып табылатын адамдарды мемлекетке қайтаруды қамтамасыз етуге мүмкіндік береді, сондай — ақ оларды қоғамдағы толыққанды өмірге тиімді қайтаруға ықпал ететін болады”, – деп Ішкі істер министрі Ерлан Тұрғымбаев бейсенбі күні Сенат отырысында хабарлады.
Сенатта түсіндіргендей, ратификациялау халықаралық ынтымақтастықтың құқықтық негіздерін орнатуға және бас бостандығынан айырумен байланысты емес қылмыстық жазаларды орындау саласындағы өзара көмекті кеңейтуге бағытталған.
Конвенция жазаны орындауды берудің мынадай тәртібін белгілейді:
1. Сотталған немесе заңды өкіл өзінің орындалуын тағайындалған мемлекеттің немесе жазаны орындаушы мемлекеттің құзыретті органына беру туралы өтінішхатпен жүгінеді;
2. Өтінішхаттың негізінде Бас прокуратура жазаның орындалуын беру туралы сұрау салу жібереді;
3. Қабылданатын елдің соты тағайындалған Тараптың соты белгілегеннен қатаң болмауға тиіс жазаны айқындайды.
Сотталған адам қабылданған шешім туралы хабардар етілген кезден бастап 45 тәуліктен кешіктірмей мемлекет аумағынан кетуге және қабылданатын елдің құзыретті органына келуге міндетті. Орындалмаған жағдайда шығарып жіберу керек.
