Қазақстан Парламентінің Сенаты “мемлекетаралық стандарттау жөніндегі құжаттарды тарату туралы келісімді ратификациялау туралы”заңды қабылдады.
“ЕАЭО елдері арасында мемстандарттау бойынша құжаттарды таратудың бірыңғай қағидаттары стандарттарды таратуға бір ғана ұлттық ұйымға айрықша құқық беру арқылы іске асырылады. Қазақстанда мұндай құқық Қазақстандық стандарттау және метрология институтына бекітілген”, — деді сауда және индустрия министрі Бақыт Сұлтанов бейсенбі күні Сенат отырысында заң жобасын таныстыра отырып.
Оның айтуынша, ЕАЭО мемлекеттері мемлекетаралық стандарттардың заңсыз таралуынан заңнамалық түрде қорғауды қамтамасыз етеді, бірақ Қазақстанда мұндай фактілер анықталған кезде шаралар қарастырылмаған. Сондықтан сенат стандарттарды рұқсатсыз таратқаны үшін әкімшілік айыппұлдарды енгізу туралы ұсыныстар дайындады, оларды Әділет министрлігіне Әкімшілік кодекске өзгерістердің орталықтандырылған пакетін қалыптастыру кезінде есепке алу үшін жіберді.
“Өзара іс — қимылды үйлестіру стандарттар жөніндегі бюро арқылы орталықтандырылған түрде жүзеге асырылатын болады”, – деп толықтырды Сұлтанов.
Келісім белгісіз мерзімге қабылданады және қатысушылар одан кез келген уақытта шыға алады.
