Бүгін, Сенатта «Қазақстан Республикасының Парламенті және оның депутаттарының мәртебесі туралы» Қазақстан Республикасы Конституциялық заңының 11-бабына сәйкес жаңа консультативтік-кеңесші орган – бюджеттік заңдарды жетілдіру жөніндегі Кеңес құрылды. Бұл туралы Сенаттың баспасөз қызметі хабарлады.
Жаңа органның құрамына Сенат депутаттары, республикалық бюджеттің атқарылуын бақылау жөніндегі есеп комитетінің төрағасы Наталья Годунова, Ұлттық экономика министрі Руслан Дәленов және қаржы вице-министрі Берік Шолпанқұлов және басқалар кірді.
Кеңестің міндеттері бюджет процесінің тиімділігін арттыру, мемлекеттік бюджетті қалыптастыру процесін қайта қарау, бюджетаралық қатынастарды жетілдіру бойынша ұсынымдар әзірлеу болып табылады.
Кеңестің ұйымдастырушылық мәселелерімен байланысты бірінші отырысын Дариға Назарбаева өткізді.
Отырыста Дәленов кеңес қатысушыларына жаңа құрылымның жұмыс жоспарлары мен осы саладағы мүмкін болатын жетілдірулер туралы айтып берді.
Жоспар бойынша стратегиялық жоспарлаудың жаңа нысандарын енгізу, мәлімделген шығындардың экономикаға әсерін бағалау, сондай-ақ әртүрлі өңірлердің дамуын ынталандыру үшін қолданыстағы қатынастарды жетілдіру.
Дариға Назарбаева аймақтардың мамандандырылуы мен жағдайларын ескере отырып, әртүрлі өңірлерде «қажеттілік карталар» әзірлеуді, шағын бизнес, орта бизнесті дамытуға бағытталған нақты ұсыныстар жасады.
Сенат Төрағасы экономика министрлігіне маусым айының ортасына дейін жаңа ұсынымдар мен шарттарды ескере отырып, бюджет заңнамасын жетілдіру жөніндегі шараларды іске асыру жөніндегі жеке жол картасын әзірлеуді ұсынды.
Сурет: inform.kz
