Қазақстан Парламенті жоғарғы палатасының депутаттары төтенше жағдай режимі кезінде республика басшысы Қасым-Жомарт Тоқаевтың өкілеттілігін кеңейтетін заң жобасын мақұлдады, деп хабарлады Сенаттың баспасөз қызметі.
Сөз төтенше жағдай мәселелері бойынша Қазақстанның кейбір заңнамалық актілерге түзетулер енгізетін жаңа заң жобасы туралы болып отыр. Заң жобасы туралы Қазақстандық Ұлттық экономика министрі Руслан Дәленов толығырақ айтты.
Ұлттық экономика министрлігі басшысының айтуынша, заң жобасында көрсетілген түзетулер Президентке республикадағы төтенше жағдай режимі кезінде қандай да бір шараларды жедел әрі тиімді қолдануға мүмкіндік береді.
Руслан Дәленов заң жобасы мемлекет басшысына төтенше жағдай режимі кезінде салық, бюджет, кеден, банк, еңбек және монополияға қарсы заңнаманың ерекше тәртібін белгілеу үшін өкілеттіктер беретінін атап өтті.
Сонымен қатар, министр, заң жобасына сәйкес, төтенше жағдай режимі кезінде Президент қабылдаған барлық заңдар ол аяқталғанға дейін әрекет ететінін айтты.
11 мамырдан бастап Қазақстан Республикасында коронавирустық инфекцияның таралуына байланысты енгізілген төтенше жағдай режимі тоқтатылды.
Сурет: ktk.kz
