Қазақстан парламенті жоғарғы палатасының депутаттары «Ақпаратқа қол жеткізу, шешімдер қабылдау процесіне жұртшылықтың қатысуы және қоршаған ортаға қатысты мәселелер бойынша сот әділдігіне қол жеткізу туралы конвенцияға ластаушыларды көшіру туралы хаттаманы ратификациялау туралы» заң жобасын талқылады, деп хабарлайды Сенаттың баспасөз қызметі.
Парламент жоғарғы палатасының ақпаратына сәйкес, жоғарыда аталған заң жобасын халық қалаулылары аграрлық мәселелер, табиғатты пайдалану және ауылдық аумақтарды дамыту комитетінің кеңейтілген отырысында қарады.
Заң жобасын талқылау кезінде оның басты мақсаты қоғамның ақпаратқа қол жеткізуін кеңейту болып табылатыны айтылды. Сонымен қатар, заң жобасында қоршаған ортаны ластаудың алдын алуға және қысқартуға бағытталған іс-шараларға жұртшылықтың қатысуы қарастырылған.
Сондай-ақ отырыста Сенат депутаттары еліміздің осы хаттамаға қосылуы Қазақстанның БҰҰ-на қатысушы басқа елдермен ынтымақтастығын кеңейтуге ықпал ететінін атап өтті.
Сурет: senate.parlam.kz
