Беларусь астанасында Қазақстан парламенті жоғарғы палатасының депутаттары Манап Көбенов пен Ләззат Сүлеймен қатысуда. Бұл туралы Сенаттың баспасөз қызметі хабарлады.
Сенаттың ақпараты бойынша, халықаралық конференцияны Тәуелсіз Мемлекеттер Достастығының Атқарушы комитеті, ТМД-ға қатысушы елдердің Парламентаралық ассамблеясы және республикалық референдум өткізу және сайлау жөніндегі Беларусь орталық комиссиясы ұйымдастырды.
Конференция барысында қатысушылар сайлау мен референдумдарды заңнамалық қамтамасыз етуге, сондай-ақ конституциялық сот төрелігінің халық билігінің қағидаттарын іске асыруға қосқан үлесіне қатысты мәселелерді талқылайды деп жоспарлануда.
Сонымен қатар, халықаралық іс-шарада Тәуелсіз Мемлекеттер Достастығы кеңістігіндегі сайлау процесінің заңдылық өлшемдеріне қатысты мәселелер қаралатын болады.
Сурет: Senate.parlam.kz
