Қазақстан Парламенті жоғарғы палатасының депутаттары Қазақстан және Армения үкіметтері арасындағы азаматтық қорғаныс саласындағы ынтымақтастық туралы келісімді ратификациялады. Бұл туралы Сенаттың баспасөз қызметі хабарлады.
Халықаралық қатынастар, қорғаныс және қауіпсіздік комитетінің ақпараты бойынша, келісімге Қазақстан мен Армения арасындағы азаматтық қорғаныс, төтенше жағдайлардың алдын алу және оларды жою саласындағы екіжақты ынтымақтастықты дамыту мақсатында республиканың оңтүстік астанасында 12 қыркүйекте қол қойылды.
Қол қойылған келісімге сәйкес тараптар табиғи және техногендік қатерлер туралы бір-бірін ескертеді, төтенше жағдайларды жоюда бірігіп әрекет жасайды, сондай-ақ азаматтық қорғаныс мамандарын оқытумен айналысатын болады.
Сондай-ақ келісім құжатымен өзара іс-қимыл нысандары, көмек көрсету шарттары мен түрлері, көмек көрсету жөніндегі жұмысқа басшылық ету тәртібі және мемлекеттік шекараны кесіп өтуге байланысты басқа да мәселелер регламенттелді.
