Қазақстан Республикасы Парламенті жоғарғы палатасының депутаттары еліміздегі аграрлық ғылымды дамытудың мәселелерін талқылау мақсатында ұлттық аграрлық ғылыми-білім беру орталығына барды,деп Сенаттың баспасөз қызметі хабарлайды.
Орталықты аралау барысында Сенат экономикалық саясат, инновациялық даму және кәсіпкерлік комитетінің мүшелері қазақстандық аграрлық ғылымның әлсіз жақтарының бірі жеткіліксіз қаржыландыру болып табылатынын атап өтті.
Осыған байланысты, Парламенттің жоғарғы палатасының депутаты Манап Көбенов мәлімдегендей, сенаторлар аграрлық ғылымды қаржыландыруға қатысты мәселені шешуге ниетті.
“Жердің әрбір гектары барынша мүмкіншілік беруі керек. Ал жер өз жемісін беру үшін біз егіншілік пен мал шаруашылығының ғылыми институттарын құруымыз керек. Ғалымдар жұмыс істейді, белгілі бір табыстар бар, дегенмен, қаржыландыру аз болғандықтан жеткіліксіз”, – деді депутат.
Сонымен қатар, отырыста отандық аграрлық ғылымды дамытудың бірқатар мәселелері айтылды, олардың ішінде білім беру және технологияларды коммерцияландыру трансферті бойынша ұйымдардың жеткіліксіз саны.
Сурет: senate.parlam.kz
