Бүгін VII шақырылымдағы Парламенттің бірінші сессиясының ашылуы болып өтті, онда Президент Қасым-Жомарт Тоқаев жаңартылған депутаттық корпустың алдына бірқатар міндеттер қойды. Бұл туралы сенатор Сергей Ершов айтты, деп хабарлайды «ҚазАқпарат».
Оның айтуынша, Тоқаев Парламенттің алдына маңызды міндеттер қойды, олардың бірқатары мемлекеттік аппаратты одан әрі реформалауға байланысты.
«Бүгін бұл блокта көптеген мәселелер көтеріліп жатқаны құпия емес. Осыған байланысты мемлекет басшысы мемлекеттік аппараттың өте жинақы, бірақ тиімді болуы тиіс екенін баса айтты», – деп атап өтті Ершов.
Сенатордың айтуынша, Президент жастар саясаты мен еріктілер қызметіне, сондай-ақ халықтың әлеуметтік осал топтары мен шағын және орта бизнесті қолдауға қатысты әлеуметтік реформаларды жеке блок ретінде белгіледі.
Ершов жалпы Парламенттің алдына жүргізіліп жатқан реформаларды заңнамалық қолдау бойынша міндеттер қойылғанын және қойылған мақсаттарды тез арада орындау үшін парламенттің екі палатасының депутаттары жұмылдырылуы тиіс екенін айтты.
Сурет: inform.kz
