ҚР Парламенті жоғарғы палатасының спикері Дариға Назарбаева еліміздің бас раввині Ешай Когенмен кездесу өткізді. Бұл туралы Сенаттың баспасөз қызметі хабарлады.
Кездесу кезінде Қазақстанның Бас раввині Хатшылықтың кезекті отырысына дайындық туралы хабардар болды.
Өз кезегінде Ешай Коген Қазақстан Республикасының Тұңғыш Президенті Нұрсұлтан Назарбаевтың Астана діни форумын өткізу туралы бастамасының өзектілігін атап өтті. Сонымен қатар, ол біздің еліміздің дінаралық диалогтың алға басуына үлесін жоғары бағалады.
«Қазақстан халқы осындай Ұлт Көшбасшысына лайық. Бейбітшілік пен келісімнің қазақстандық моделінің теңдесі жоқ. Бұл модель тұрақтылықты қамтамасыз ету үшін ілгері жылжу керек», — деді Коген.
Кездесу аясында ол Сенат спикеріне каббале бойынша еңбектердің,хасид оқуларының авторы,Қазақстанға жіберілген Леви Ицхак Шнеерсонның өмірі туралы айтты.
Сондай-ақ, әңгіме барысында жаһанданудың мәдениет пен құндылықтарға әсерін талқылады,әлемдік және дәстүрлі діндер лидерлерінің алдағы съезіне дайындыққа қатысты мәселелерді қарастырды.
Кездесу соңында ҚР Парламенті жоғарғы палатасының төрайымы раввинге ұлтаралық және конфессияаралық келісімнің қазақстандық моделін жоғары бағалағаны үшін алғысын білдірді.
«Құдайға қызмет ететін адамдардан шуақ алу үшін, дін өкілдері келушілермен жиі сөйлесуі қажет «, – деді Назарбаев.
Сурет: inform.kz
