Қазақстан Парламенті Сенатының төрағасы Дариға Назарбаева Қазақстанның көлік инфрақұрылымында жүктерді тасымалдау кезіндегі үлкен кезек және вагондардың жетіспеушілігі мәселелері бар екенін айтты. Бұл туралы “Zakon” ақпарат агенттігі хабарлайды.
“Бүгінгі таңда темір жол тасымалдауы үшін вагон паркінің тапшылығы байқалуда. Тасымалдауға үлкен кезек орын алған, ал бұл құқық бұзушылыққа, сыбайлас жемқорлыққа қосымша негіз болады және шекарада тасымалдаушылар үлкен кезекте тұр. Өйткені вагон паркі бойынша үлкен тапшылық байқалады, бұл инфрақұрылымның барлық жұмысын тежейді. Жақсы жолдардың болуы жеткіліксіз, егер біздің территориямыз бойынша жүк тасымалдау үшін қаражат жетіспесе, автомагистраль салу жеткіліксіз. Әсіресе, транзиттік жүк туралы сөз болғанда”, – деді Дариға Назарбаева.
Сонымен қатар, Назарбаева контрабанда мәселесін шешу қажеттігін айтты,себебі бұл заңсыз және төзімсіз құбылыс.
“Біз шекарадағы көптеген бұзушылықтар туралы білеміз. Контрабанда бар екендігі туралы да, ережелерді жаппай бұзу туралы да. Менің осы институттың жұмысын қалай жетілдіреміз деген сауалым бар”, – деді Сенат басшысы Ұлттық экономика министрі Руслан Дәленовке.
Өз кезегінде Ұлттық экономика министрі контрабандаға байланысты мәселе шешілуде екенін айтып,өз тарапынан транзиттік жүк тарифтерін арттыруды ұсынды.
“Транзитті дамыту – экономикалық өсу әдістерінің бірі. Бізде мұхитқа шығу жолы жоқ, бірақ біз Қытай мен Еуропаның ортасында тұрмыз. Көлік әлеуетін дамыту біз үшін басымдық болып табылады. 2018 жылы темір жол арқылы 300 мың контейнер тасымалданды. Бұл өткен жылмен салыстырғанда жүз мыңға артық.Тасымалдау мәселесі тарифтермен тығыз байланысты. Өйткені олар көптен бері көтерілген жоқ. Қазіргі уақытта жаңа вагондар сатып алуға және елдегі инфляцияға инвестиция құю үшін тарифтер арасында теңгерім орнату бойынша жұмыстар жүргізілуде”, – деп атап өтті Дәленов.
Сурет: Ktk.kz
