Қазақстан Парламенті жоғарғы палатасының спикері Дариға Назарбаева Армения премьер-министрі Николай Пашинянмен екіжақты қарым-қатынасты кеңейтуге қатысты бірқатар мәселелерді талқылады, деп хабарлайды Сенаттың баспасөз қызметі.
Екі мемлекет арасындағы сауда-экономикалық және мәдени-гуманитарлық ынтымақтастықты дамыту мәселелері қаралған кездесу Дариға Назарбаеваның Арменияға ресми сапары аясында өтті.
Қазақстан мен Армения арасындағы екіжақты өзара іс-қимылды нығайту туралы айта келіп, Сенат төрағасы екі ел арасындағы тауар айналымының көлемін арттыру қажеттігіне назар аударды. Сонымен қатар, Назарбаева өткен жылы республикамыздың Армениямен сыртқы сауда айналымы 33,9%-ға артқанын атап өтті.
«Бұл тауар айналымының өсу перспективасын көрсетеді, болашақта өзара сауда көлемін арттыру үшін маңызды үлес қосады. Армения нарығы қазақстандық өнімді экспорттау үшін қызығушылық танытуда. Біз машина жасау, металлургия, тамақ өнеркәсібі, құрылыс материалдары және химия өнімдері сияқты салаларда экспорт номенклатурасын кеңейтуге дайынбыз», – деді Назарбаева.
Өз кезегінде, армян үкіметінің басшысы Қазақстан мен Арменияда екіжақты экономикалық ынтымақтастықты дамыту үшін әлеует бар екенін атап өтті.
