Қазақстан Сенаты төрағасы Дариға Назарбаева басқаратын “Дегдар” гуманитарлық қоры коронавирустық инфекцияның таралуына қарсы күреске 100 миллион теңге бөлді, деп хабарлайды zakon.kz ақпарат ресурсы.
Қор өкілдері бөлінген қаражатқа Нұр-Сұлтан мен Алматыдағы балалар мен қарттар үйлері жеке қорғаныс құралдарымен қамтамасыз етілетіндігін айтты.
Сондай-ақ қарттар үйіне қарттардың иммунитетін нығайту үшін поливитаминдер жеткізілетін болады. Барлық жеткізілетін препараттар сертификатталған.
Сонымен қатар, Қор коронавирус жағдайында қажетті болатын өкпені жасанды желдетудің 2 стационарлық аппаратын сатып алды. Аппараттар Алматы Қоғамдық денсаулық басқармасына берілетін болады.
Қор өкілдері бүгін Нұр-Сұлтан мен Алматыдағы әлеуметтік нысандарға жеке қорғаныс құралдары түрінде көмек көрсетілетінін атап өтті.
Соңғы мәліметтер бойынша, Қазақстан Республикасында ресми түрде коронавирус ауруының 52 жағдайы тіркелген, оның ішінде 28-і Нұр-Сұлтанда, 22-сі Алматыда және екеуі Қарағандыда. Сонымен қатар, елдің басқа қалаларында қауіпті вирустың таралуына жол бермеуге бағытталған барлық шаралар жасалуда.
