Қазақстан Парламенті жоғарғы палатасының экономикалық саясат, инновациялық даму және кәсіпкерлік комитеті «Қазақстан Республикасының кейбір заңнамалық актілеріне Мемлекеттік қызмет көрсету мәселелері бойынша өзгерістер мен толықтырулар енгізу туралы» заң жобасын қарады, деп хабарлайды Сенаттың баспасөз қызметі.
Парламент жоғарғы палатасының депутаты Михаил Бортник отырыста сөйлеген сөзінде жоғарыда аталған заң жобасы мемлекеттік қызмет көрсетуді жақсарту үшін жасалғанын атап өтті.
«Қарастырылып отырған заң жобасы жеке және заңды тұлғалардың мемлекеттік қызметтерді алуын жеңілдету бойынша мемлекет саясатын жүзеге асыруды қамтамасыз етеді», – деді Михаил Бортник.
Отырыс барысында біздің республикада мемлекеттік қызметтер саны тұрақты өсіп келетінін, олардың саны 2007 жылдан бастап 2019 жылға дейін 740-тан асқанын айтты. Сондықтан, осы жүйені одан әрі жақсарту үшін депутаттар тиісті заңнамалық актілерге түзетулер әзірлейді.
Сенаттың ақпараты бойынша, бұл заң жобасы мемлекеттік органдардың электрондық форматта жаңа мемлекеттік қызмет көрсету жөніндегі құзыретін толықтырады, сондай-ақ мемлекеттік әлеуметтік жәрдемақы тағайындау кезінде мемлекеттік қызмет көрсету рәсімдерін нақтылайды.
Отырыс соңында «Қазақстан Республикасының кейбір заңнамалық актілеріне мемлекеттік қызметтер көрсету мәселелері бойынша өзгерістер мен толықтырулар енгізу туралы» заң жобасы Сенаттың қарауына жіберілді.
