Қазақстан Республикасы Парламентінің Жоғарғы палатасының депутаттары бүгін өткен жалпы отырысында «Еуразиялық экономикалық одақ шеңберіндегі тұқымдық айналым туралы келісімді ратификациялау туралы» заң қабылдады.
Бұл келісім бірыңғай агроөнеркәсіптік саясат тұжырымдамасын іске асыру аясында 2017 жылы Мәскеуде ЕАЭО елдерінің премьер-министрлерінің кездесуінде қабылданды. Содан кейін ол Жоғары Еуразиялық экономикалық кеңестің отырысында мақұлданды.
Осы келісімнің мақсаты – республиканың осы саладағы заңнамасын біріздендіру, бірыңғай тұқым нарығын құру және дамыту үшін сауда кедергілерін жою.
«Құжат ЕАЭО тұқым нарығына қатысушыларға тұқым сапасына қайта қарау және құжаттарды рәсімдеуге уақыт пен ақшаны үнемдеуге мүмкіндік береді», – деп хабарлайды Сенаттың аграрлық мәселелер, табиғатты пайдалану және ауылдық аумақтарды дамыту комитеті.
Келісімде тұқым мен сорттардың сапасын анықтауға, сондай-ақ бірыңғай мәліметтер қорын және тізілімін құру бойынша бірыңғай талаптарды енгізу көзделген. Заң жобасы Сенатта мақұлданғаннан кейін оның мәтіні мемлекет басшысына қол қоюға жіберілді.
Сурет: time.kz
