Астанада Сенаттың пленарлық отырысында “Еуразиялық экономикалық одақта тауарларды сәйкестендіру құралдарымен таңбалау туралы келісімді ратификациялау туралы”заң қабылданды. Бұл туралы агенттік хабарлайды.
Қазақстан тауарлардың сандық кодтарына көшеді, бұл өнім шығаруды ретке келтіреді және өркениетті бизнес үшін жағдай жасайды. Және де нарықтағы контрафактілік тауарлар жойылады.
Жалпы отырыста Қазақстан Парламенті Мәжілісінің депутаттары “ЕАЭО-да тауарларды сәйкестендіру құралдарымен таңбалау туралы келісімді ратификациялау туралы” жобаны мақұлдады.
Бұл келісімнің басты мақсаты – тауарлар айналымының заңдылығын қамтамасыз ету және тұтынушылардың құқықтарын қорғау. Нәтижесінде, көлеңкелі сауда нарығы едәуір қысқартылып, бюджетке салық түсетін болады, бұл бірден өзінің оң нәтижелерін береді.
Келісімді енгізу туралы ережеде таңбалауды енгізу мерзімі мен тәртібі егжей-тегжейлі жазылған, сәйкестендірілген тауарларға және таңбалауды енгізуге қойылатын барлық бірыңғай талаптар, сондай-ақ ЕАЭО мемлекеттері арасында таңбаланған тауарлар туралы мәліметтерді уақтылы беру жазылған.
Сулет: bishelp.ru
