Санкт-Петербургте Тәуелсіз Мемлекеттер Достастығы Парламентаралық ассамблеясының құқықтық мәселелер жөніндегі тұрақты комиссиясының отырысы өтті, оған Қазақстан Сенатының депутаты Владимир Волков қатысты.
Отырыс барысында қатысушылар «Міндетті құқық туралы», «Жарнама туралы», «Нормативтік құқықтық актілер туралы» және «Қылмыстан жәбірленушілерге келтірілген зиянды өтеу туралы» модельдік заңдардың жобаларын қарастырды.
Кездесу барысында 2016-2020 жылдарға арналған ТМД-дағы модельдік заң шығару жоспарының орындалу қорытындысы айтылды. Сонымен қатар, модельдік заң актілерінің ережелерін ұлттық заңнамаға имплементациялау мәселелері сөз болды.
Қорытындылай келе, тараптар ТМД Парламентаралық ассамблеясының жалпы отырысында ұсынылатын, жоғарыда көрсетілген модельдік заң жобаларын мақұлдады.
