Қазақстан Республикасы Парламенті жоғарғы палатасының депутаттары біздің республиканың атқарушы билік органдарының өкілдері депутаттық сауалдарға тиісінше жауап бермейтінін мәлімдеді. Бұл туралы Сенаттың баспасөз қызметі хабарлады.
Мұндай мәлімдемені депутаттар Парламент жоғарғы палатасының басшысы Дариға Назарбаеваның төрағалығымен өткен сенаторлар кеңесінің отырысында айтты.
Осылайша, сенаторлар Қазақстан Парламенті депутаттарының конституциялық өкілеттіктерін орындауға қатысты мәселелерді талқылап, соңғы уақытта халық қалаулылары атына келіп түскен өтініштеьр санының өсуі байқалып, тиісінше депутаттық сауалдардың саны өсуде деген ортақ пікірге келді.
Алайда, Парламенттің жоғарғы палатасының депутаттары атқарушы билік органдары тарапынан сауалдарға жауаптардың басым бөлігі оларды қанағаттандырмайтынын мәлімдеді.
Сонымен қатар, отырыс барысында сенаторлар “Ұлттық экспорттық стратегия” бағдарламасын іске асыруға байланысты мәселелерге назар аударды.
Депутаттар осы бағдарлама бойынша ұсыныстар жинаумен айналысатын жұмыс тобын құруды, содан кейін уәкілетті мемлекеттік органдардың қарауына жіберуді ұсынды.
Сурет: kaztag.info
