Қазақстан Парламенті жоғарғы палатасының басшысы Дариға Назарбаева Сенат депутаттары мен аппарат қызметкерлеріне мемлекеттік наградалар тапсырды. Бұл туралы ҚР Парламентінің баспасөз қызметі хабарлады.
Президент Қасым-Жомарт Тоқаевтың жарлығымен Қазақстан парламенті жоғарғы палатасының депутаты Төлеубек Мұқашев ІІІ дәрежелі “Барыс” орденімен марапатталды. Президенттің басқа жарлығмен “Парасат” орденімен Сенат депутаттары Мұрат Бақтиярұлы, Ғұмар Дүйсембаев, Манап Көбенов пен Марат Тағымовтың еңбектері атап өтілді.
Сондай-ақ Сенат төрағасы Қазақстан парламенті жоғарғы палатасы аппаратының басшысы Серік Сыдықовқа “Парасат” орденін тапсырды.
Сонымен қатар, Сенат депутаттары Владимир Волков пен Ерболат Мұқаев “Достастық” орденімен марапатталды, ал сенаторлар Серік Бектұрғанов пен Әлімжан Құртаев “Парламенттік ынтымақтастықты нығайтқаны үшін” медалімен марапатталды.
