Депутат Ольга Перепечина басқаратын Парламенттің жоғарғы Палатасының Қаржы және бюджет жөніндегі комитеті Ұлттық экономика, қаржы министрліктерінің басшыларымен және “Атамекен”Ұлттық Кәсіпкерлер палатасының өкілдерімен бейне кездесу өткізді. Онлайн-кездесу салық саясаты мәселелеріне арналды. Бұл туралы senate.parlam.kz портал хабарлайды.
Сенаторлар экономиканың ең зардап шеккен секторлары үшін айналымнан бөлшек салықты енгізу, салықтар мен төлемдер санын азайту, сондай-ақ экономиканы әртараптандыру және мемлекеттік бюджетті толықтыру үшін салық мөлшерлемелерін шектеу мәселелерін талқылады.
“Біздің алдымызда бизнесмендер, жұмыс берушілер және барлық азаматтар үшін салық міндеттемелерін орындауды жеңілдетуді қамтамасыз ету, сондай-ақ салықтық әкімшілендіруді оңтайландыру міндеті тұр. Осылайша, сенаторлар Президенттің бастамасы бойынша Салық кодексіне түзетулер қабылдады, онда жаңа салық режимі енгізілді – “бөлшек салық”, ол карантиндік шаралар салдарынан зардап шеккен ШОБ үшін кірістің 3 пайызын қарастырады”,-деп Перепечина атап өтті.
Ол сондай-ақ, жұмыс берушілерге салық жүктемесін азайтуға бағытталған одан әрі шараларды заңнамалық түрде пысықтау жоспарланғанын айтты.
Сонымен қатар, сенаторлар мемлекеттік органдар мен кәсіпкерлер палатасының өкілдерімен әлеуметтік салықты және оны бірыңғай төлемге айналдыру үшін төлемдерді есептеудің бірыңғай базасын құру тақырыбын қарастырды.
Сонымен қатар, Сенат депутаттары індет кезінде бағаның көтерілуіне жол бермеу шараларын ұзарту мәселесін қозғады. Бұған дейін осы жылдың 1 қазанына дейін әлеуметтік маңызы бар азық-түлік тауарларына ҚҚС төмендетілген мөлшерлемесі енгізілген болатын. Комитет бұл мәселені заңнамалық тұрғыда бекіту деңгейінде қарады.
Сурет: senate.parlam.kz
