Семейде Жеңіс саябағы жаңартып бастады. Бұл туралы “Хабар 24″ақпарат агенттігі хабарлайды.
Жергілікті билік 9 мамыр мерекесін тойлау алдында скверде тұрған ескерткіштердің бекеттерін жөндеп, Мәңгілік оттың айналасындағы парапетті қайта өзгертуді, кеспе тастарды ауыстыруды, жаңа орындықтар қойып, урналар орнатуды жоспарлап отыр. Жеңіс күніне орай саябақты қайта жаңарту жұмыстары аяқталады.
“Жеңіс саябағында көше жарығын ағымдағы жөндеу жұмыстары қарастырылған. Біз Жеңіс саябағындағы кіру тобын жөндеу және бояу жұмыстарын жоспарладық. Бізде ақша бірден екі нысанға қарастырылған: Жеңіс сквері мен Ертіс өзенінің жағалауын абаттандыру. Бөлінген сома – 42 миллион 500 мың теңге”, – деді Семей қаласының ТКШ және тұрғын үй инспекциясы бөлімінің көркейту секторының меңгерушісі Асан Дүйсембаев.
