Семейде үш баладан менингит анықталды. Олардың екеуі бір балабақшаға барған, ал үшінші бала – орта мектептің 2-ші сынып оқушысы. Ауырған балалардың жағдайы бір қалыпты, – деп хабарлайды Tengrinews.kz.
Екі жағдайда “Жұлдыз Ардақ” балабақшасында тіркелген. Әр түрлі топта. Бірінші бала ауырғаннан кейін, екі күннен соң қыз бала ауруға шалдыққан. Екеуінің де жасы 4-те. Екеуі де ауруханаға бір диагнозбен түскен.
“Бірінші бала 24 қазанда клиникаға мынадай диагнозбен түсті: құсу, дене қызуы көтерілген, басы ауырған. Қыз бала да сондай диагноз тіркелген. Олардың негізгі диагнозы – ұйыма менингит. Болжаммен энтеровирустық топқа жатады. Тағы бір бала сол балабақшадан келіп түсті, алайда одан мұндай диагноз шықпады. Зерттеулер жүргізілді. Бүгінде оның диагнозы: ЖРВИ”, – жұқпалы аурулар балаларға арналған аурухананың директор қызметін атқарушы Сәуле Қаржаубаева.
Олардың жағдай тұрақты. Бала үйіне жіберілді, ал қыз бала болса тағы бірнеше күн ауруханада болады. Сонымен қатар, менингит вирусы табылғанына қарамастан балабақша бұрынғы қалыпта жұмыс істеп жатыр. “Балабақша жабылмайды. Мұның қажеттілігі жоқ. Себебі екі жағдай ғана тіркелді. Балалар әр түрлі топтан болған және қарым-қатынаста болмаған. Барлық профилактикалық шаралар жасалуда. Қазіргі уақытта балабақша аумағында ГЭС жұмыс істеп жатыр”, – деді Семей әкімдігінің білім бөлімінің өкілі Руфия Файнуллаева.
Балаларға арналған жұқпалы аурулар ауруханасында тағы бір бала жатыр – 8 жастағы оқушы. Бала 3 қарашада түскен. Қазіргі уақытта оның жағдайы тұрақты деп бағаланады. Баланың денсаулығы жақсарып келеді, оның басы ауырғаны қойып, дене қызуы төмендеген.
