Шығыс Қазақстанда полицияның қатысуымен кезекті жанжал орын алды.
Семей қаласының желілік полиция бөлімінің бастығы алкогольдік ішімдікті асыра пайдаланып, денсаулығының нашарлауына байланысты жедел жәрдем шақырған. Ауруханаға жеткізілгеннен кейін желілік полиция бөлімінің бастығы медиктерді соққыға жықты.
Агрессивті полицей қызметінен айырылды. ІІМ баспасөз қызметінің ақпараты бойынша «Семей станциясындағы желілік полиция бөлімінің бастығына қатысты полиция департаментінің Өзіндік қауіпсіздік басқармасы көлікте қызметтік тергеу жүргізіп жатыр, тергеу аяқталғанша ол қызметінен шеттетілді».
Мұндай жағдайлар дәстүрге айналып келеді. Тіпті сау полицейлер де осындай істерге жиі барады, тек олар жазаланбайды.
Мысалы, қыркүйек айында ұйымдасқан қылмысқа қарсы күрес басқармасының қызметкері Өскемен қаласының тұрғыны Анатолий Сергеевты соққыға жыққан. Қылмыстық іс қозғалғанына, бейнекамераның жазбаларына және медициналық қорытындыларға қарамастан тергеудің әлі де нәтижесі жоқ, ал полиция қызметкері сол жерде жұмыс істеп жатыр. Зардап шеккен адам былай деді: «Егер өз тарапымнан бір адамды алақаныммен соқсам, мені бірден отырғызар еді. Ал бұл шенеунік адамды ұрып-соғып, анық дөрекі шабуыл жасап, ауланың ортасында, отбасының, балалардың алдында қастандық жасаса да әлі күнге дейін қызмет атқарады».
Өскемендегі осы оқиғаның куәгері Диляра Сейілханова: «Мен тыңдап тұрдым. Ол: -«бұл менің қалам, мен сені осы жерде қалдырмаймын»- деп, жұдырықтап сілкілеп, ұрды» — дейді.
Сурет: OCA телеарнасының Youtube арнадағы скриншоты
