Бүгін Семейдің тұрғындары автобустарға отыра алмады, өйткені Semey Bus қалалық автопаркінің барлық қызметкерлері ереуіл жариялап, жұмысқа шығудан бас тартты, деп хабарлайды newtimes.kz жаңалықтар ресурсы.
Ереуілге шыққан жүргізушілер Семей автопаркі қақпасының жанына жиналып, еңбек шартына сәйкес олардың әрқайсысы күніне кемінде 8 мың теңге алуы керек деп мәлімдеді, бірақ осы айда оларға 4,5 мың теңгеден төледі. Жалақыны қысқарту туралы оларды ешкім хабардар еткен жоқ.
Сондай-ақ, Semey Bus-тің ашулы қызметкерлері олардың тікелей басшылығы кондуктор жұмысы үшін оларға 2,5 мың теңгеден қосымша ақы төлеуі керек екенін айтты, бірақ жүргізушілер ешқандай үстемеақы алған жоқ.
Сонымен қатар, автобус паркінің қызметкерлері медициналық сақтандыру мен зейнетақы аударымдарының жоқтығына шағымданды.
Ереуілге шыққан азаматтармен қалалық көлік бөлімінің бастығы Серікқали Жұманов кездесіп, 3 тамыздан бастап Семейде автобус паркін бақылайтын тексеру комиссиясы жұмыс істейтінін айтып, жақын арада жалақы мәселесі шешілетінін мәлімдеді.Жергілікті биліктің мәліметінше, қазіргі уақытта бірнеше автобустар жұмысқа шыққан. Семейде қоғамдық көлік қозғалысы қалпына келтірілуде.
Сурет: newtimes.kz
