Семей машина жасау зауытының базасында дезинфекциялық кешендер өндірісі басталды. Бұл туралы «Қазақстан инжиниринг «ҰК»АҚ баспасөз қызметі хабарлады.
Төтенше жағдайлар жөніндегі жедел штаб төрағасы Ермак Сәлімовтың өтініші бойынша кәсіпорын қызметкерлері дезинфекциялық кешендердің алғашқы партиясын жасап шығарды.
Бұл кешен сорғы станциясы мен бүріккіші бар тоннель болып табылады, ол жоғары қысыммен дезинфекциялау құралын бүркеді. Механизм қозғалыс датчигінің көмегімен жұмыс істейді.
Бірінші данасы Семейге берілді, оны көп адамдар жиналатын жерге орнатады.
Бүгінгі таңда облыста және мемлекеттің басқа да аймақтарында тұрғындардың денсаулық қауіпсіздігін қамтамасыз ету үшін дезинфекциялық тоннельдермен жабдықтау бойынша өнеркәсіптік кәсіпорындармен келіссөздер жүргізілуде.
Сурет: platon.asia
