Семей қаласының бас санитарлық дәрігері Берік Тлебалдин қалада қайтадан өткізу жүйесі іске қосылатыны туралы қаулыға қол қойды, деп хабарлайды tengrinews.kz.ақпарат ресурсы.
Қаулыға сәйкес, Семейде қала тұрғындарының жүріп-тұруы және көліктердің қозғалысы күн ара жүзеге асырылады, яғни азаматтар тек қана екі күнде бір рет далаға шыға алады.
Сондай-ақ, Семейде демалыс және мереке күндері автокөліктердің жүруіне тыйым салынды. Жұмыс күндері жеке көліктерін 05:00-ден 22:00-ге дейін пайдалануға рұқсат етіледі.
Бұл жөнінде Шығыс Қазақстан облысының әкімі Даниал Ахметов өз пікірін айтты. Оның айтуынша, қалада эпидемиологиялық жағдайдың нашарлауы байқалып отыр, бұл соңғы аптада аурудың өсуі бір жарым есеге артқанын көрсетті.
Сондықтан індеттің таралуының алдын алу мақсатында Семейде карантиндік шараларды күшейту туралы шешім қабылданды.
Сонымен қатар, Шығыс Қазақстанда ресми түрде COVID-19 жұқтыру 367 оқиғасы тіркелді, ал елімізде олардың саны 16779-ға жетті.
Сурет: eadaily.com
