Семей қаласы мектептерінің оқушылары үшін өткізілген бірнеше онлайн сабақ барысында оқушыларға ресейлік сандық технологиялар туралы айтылды. Бұл туралы Нұр-Сұлтандағы Ресей Ғылым және мәдениет орталығының баспасөз қызметі хабарлады.
Онлайн-сабақтар «Сан сабақтары» білім беру жобасы аясында өтті. Оны әзірлегендер — Mail.ru Group ресейлік компаниясы және «Алгоритмика» математика және бағдарламалау мектебі.
Біздің республикамызда бұл жоба Ресей ынтымақтастығы өкілдігінің және Атом энергиясы жөніндегі ақпараттық орталықтың қолдауымен іске асырылды.
Бұл орталықтың жетекшісі Сейіт Әлиев мұндай онлайн сабақтар оқушыларға Қазақстанда қолданылатын Ресей Федерациясының озық технологияларын білуге мүмкіндік беретінін айтты.
«Оқушылардың көпшілігі күрделі теориялық материалды игеріп қана қоймай, қиын практикалық тапсырмаларды сәтті орындағаны қуантады. Мысалы, жоғары сынып оқушылары талдау мен зерттеуден бастап тестілеу мен релизге дейінгі барлық кезеңдерінен өтіп, өздерінің шағын қосымшасын жасады»,-деді Әлиев.
Ресейлік сандық технологиялармен көптеген оқушыларымыз таныс болуы үшін елімізде «Сан сабақтарын» өткізуді жалғастыру жоспарланып отыр.
