Семей қаласының мәслихатында бастамашыл топтың Қарағайлы жаңа тұрғын ауданындағы атауы жоқ көшеге Нұрсұлтан Назарбаевтың есімін беру қажеттігі туралы хаты қаралды, деп zakon.kz хабарлайды.
Сонымен қатар, мәдени-спорттық кешенге “Елбасы Арена”атауын беру ұсынылды.
Хатқа Қазақстан Республикасының атақты спортшылары мен еңбек сіңірген қайраткерлері, ғылыми және шығармашылық зиялы қауым өкілдері, ардагерлер, ҮЕҰ, БАҚ, еріктілер қозғалысының белсенділері, жастар, сондай-ақ ірі кәсіпорындар мен ауыл шаруашылығы құрылымдарының басшылары қол қойды.
Бұл бастама Қазақстан Республикасының Тұңғыш Президенті – Елбасы Нұрсұлтан Әбішұлы Назарбаевтың мемлекеттіліктің қалыптасуындағы рөліне және Қазақстан Республикасы Тәуелсіздігінің 30 жылдығына орай көрініс тапты.
Мәселе қалалық мәслихаттың тұрақты комиссиясының қарауына шығарылды, оған 10 мыңнан астам адам көзбе-көз және зум форматында қатысты.
Отырыс барысында қалалық және облыстық мәслихаттардың депутаттары, ҚР еңбек сіңірген қайраткерлері, спорт қауымдастығының өкілдері сөз сөйледі.
Отырыс қорытындысы бойынша сөз сөйлеушілердің пікірлерін назарға ала отырып, депутаттар бірауыздан осы мәселені қалалық мәслихат сессиясына шығаруды ұсынды.
