Семей-Қарауыл тас жолындағы ірі ЖКО салдарынан 6 адам қаза тауып, 8 адам ауыр жарақат алды. Бұл туралы yk.kz агенттігі хабарлайды.
Жол-көлік оқиғасы кеше түстен кейін Абай ауданының әкімшілік орталығы мен Қарауыл кентінің арасындағы трассада болды.
Апат кезінде «Lada Priora» және «Toyota сorolla» көліктері соқтығысып қалды. «Lada Priora» көлігін отыз жасар әйел басқарған.
Көлік салонында сегіз жолаушы болған, оның ішінде төрт бала. Олар Семейден келе жатқан. «Toyota сorolla» — да бес адам болған.
Жол полициясының алдын ала мәліметтері бойынша, «Toyota сorolla» көлігінің жүргізушісі апатқа кінәлі болып шықты: ол қарсы бағытқа шығып, оның салдарынан қақтығыс болды.
Нәтижесінде 14 адам зардап шекті.
Көліктердің соқтығысуы салдарынан «Lada Priora» үш жолаушысы қайтыс болды, оның ішінде 2018 жылы туылған кішкентай қыз.
Сондай-ақ, «Toyota сorolla» салонында үш адам қаза тапты. Қалған жолаушылар қатты жараланды. Бұл ретте жүргізуші, жол-көлік оқиғасына кінәлі адам тірі.
