Семей қаласының әкімі Ермак Сәлімов 110 жасар Ажар Омарбаеваны 8-наурыз Халықаралық әйелдер күнімен құттықтады, деп “Қазақпарат” АА тілшісі хабарлайды.
“Бүгін өте жағымды миссия орындалды, әйелдер мерекесі қарсаңында сегіз баланың, үлкен және тату отбасының анасына Семей қаласының Құрметті азаматы куәлігі мен төс белгісін табыс еттім. Ұзақ және ауыр жолды жүріп өткен, 70 жылға дейін алыс ауылда шопан болып жұмыс істеген, қазір немерелері мен шөберелерінің арасында бақытты өмір сүріп келе жатқан Омарбаева Ажар 1910 жылдың 1 қаңтарында дүниеге келген», – деп жазды Instagram парақшасында қала әкімі Ермак Сәлімов.
Қала басшысы атап өткендей, ең үлкен байлық – бұл адамдар және оның ішінде әйел – әпке, құрбы, жар және ана, ол қоғамда ерекше орын алады. “Біздің аналар, сіздерге үлкен рахмет!”,- деді Е.Сәлімов.
