Қазақстанның шекара қызметі саяси баспана сұраған Қытайдың екі азаматына қатысты сотқа дейінгі тергеуді бастады.
“ҰҚК шекара қызметі Қытай азаматтары Кастер Мұсақанұлы мен Мұрагер Әлімұлына қатысты ҚР ҚК 392 – бабының 1-бөлігі (Қазақстан Республикасының Мемлекеттік шекарасынан қасақана заңсыз өту) бойынша сотқа дейінгі тергеуді бастады”, – деп хабарлады ҚР ҰҚК шекара қызметі.
Алматыда орналасқан “Шыңғыс” шекара қызметінің аймақтық басқармасында мемлекеттік шекарадан өту жағдайы анықталды. Шекара қызметінде олар ұсталмағанын, себебі бұлтартпау шарасын олар таңдамағанын түсіндірді. Қытай азаматтары өз еркімен “Шыңғысқа” келіп, оларға тамақ ұсынылып,түнеуге рұқсат етілді.
“Алдын ала екеуі де 1-ші қазанда ҚХР-дан ҚР шекарасы заңсыз өткенін хабарлады. Осыған байланысты, оларды 15 қазан күні шекарадан өту жағдайын анықтау үшін, сондай-ақ құқық бұзушылық орын алған жерде процессуалдық және өзге де тергеу әрекеттерін жүргізу үшін Шығыс Қазақстан облысының Зайсан қаласына жеткізу жоспарлануда”, – деп атап өтті ҚС.
Қауіпсіздік қызметкерлері 2006 жылы Мұсақанұлының ұрлық жасағаны үшін сот төрелігінен жасырыну мақсатында Қытай-Қазақстан шекарасын заңсыз кесіп өткенін анықтады.
“ҚХР азаматтарына қатысты сотқа дейінгі тергеу олардың құқықтары толық сақталған жағдайда, сондай-ақ халықаралық міндеттемелер мен Қазақстан Республикасының қолданыстағы заңнамасына қатаң сәйкестікте жүргізіледі”, – деп сендірді ведомствода.
Бұған дейін ҚХР-дың екі азаматы Алматыға саяси баспана туралы өтінішпен келген. Олардың айтуынша, Синьцянда 4 жыл бойы қайта тәрбиелеу лагерінде болған. Сондай-ақ, Қытай билігі ер адамдарға үлкен айыппұл салып, қудалаған. Босқындардың өздері себебін шығу тектері және діни нанымдарымен байланыстырады.
