Қазақстаннан Еуразиялық экономикалық одақтың еркін сауда мемлекеттеріне жеткізілімдердің өсу әлеуеті шамамен 2,2 миллиард долларға жетеді. Бұл туралы ҚР Сауда және интеграция министрлігі басшысының орынбасары Жанель Кушукова мәлімдеді.
“ЕАЭО-ға мүше мемлекеттер еркін сауда туралы 4 келісім жасасты. Олар: Вьетнам, Сербия, Иран, Сингапур. Израильмен, Египетпен, Үндістанмен келіссөздер жүргізіліп жатыр. Бұл елдерге отандық экспортты ұлғайту әлеуеті шамамен 2,2 миллиард долларды құрайды”, – деді Кушукова сауда министрлігінің алқасында.
Ол Парсы шығанағы елдерімен, сондай-ақ Индонезия, Алжир, Моңғолия және АСЕАН-ға кіретін елдермен осындай келісімдерге қол қою жоспарланып отырғанын айтты.
Қазақстан Республикасының Еуразиялық экономикалық одаққа қатысуы ішкі нарықтағы бәсекелестік деңгейін арттырады. Алайда, отандық бизнеске ортақ нарық көлемінің арқасында жоғары және орташа дәрежеде өңделетін өнімнің экспортық үлесін кезең-кезеңімен арттыруға мүмкіндік беретінін атап өтті вице-министр.
“Коронавирустық індетке байланысты өткен жылдың 1-3 тоқсанының қорытындысы бойынша әлемдік сауда 8 пайызға төмендеді. Еуразиялық экономикалық комиссияның бағалауына сәйкес, ЕАЭО сыртқы сауда көлемі 2020 жылы 16,5 пайызға, ішкі сауда – 11,5 пайызға азайды”, — деп қорытындылады Кушукова.
Сурет: bashexport.com
