Қазақстанның сауда және интеграция министрлігінің басшысы Бақыт Сұлтанов үкіметте өткен баспасөз конференциясында елімізде жоғары вольтты жабдықтар бойынша сынақ зертханасы ашылатынын хабарлады.
Сондай-ақ, сауда және интеграция министрі бүгінгі таңда министрлікте зертханалық база мен сәйкестікті бағалау жүйесін дамыту бойынша жұмыстар жүргізіліп жатқанын айтты.
«Мысалы, Кентау трансформатор зауытының базасында жоғары вольтты жабдықтар бойынша сынақ зертханасы құрылады. Зертханалық сынақ нәтижелері мен сапа сәйкестік сертификаты ЕАЭО-ның барлық елдерінде мойындалатын болады», — деді Сұлтанов.
Сонымен қатар, үкіметте өткен баспасөз мәслихатында Бақыт Сұлтанов қазақстандық нарықтағы сапасыз тауарларды жою шаралары туралы айтты.
«Қазір темекі және алкоголь өнімдері, аяқ киім,дәрі-дәрмек препараттарын таңбалау бойынша пилоттық жобалар іске қосылды. Қазақстан экономикасына таңбалау механизмін енгізуден оң мультипликативтік әсер күтудеміз», — деп қортындылады министр.
Сурет: 24.kz
