Әңгіме барысында Сауд Арабиясының Королі Қазақстан Президентін қызметке кірісуімен құттықтап, оның жоғары мемлекеттік қызметіне табыс тіледі, деп хабарлайды Bnews.kz.
Президент Елбасының Сауд Арабиясымен ынтымақтастықты дамытуға қосқан зор үлесін атап өтті және өзара тиімді байланыстарды нығайтуға бағытталған жұмысты жалғастыратынын мәлімдеді.
Сондай-ақ, Қасым-Жомарт Тоқаев Корол Салманға жылы құттықтаулары үшін алғысын білдіріп, Қазақстан-Сауд Арабиясы достық қарым-қатынасы алдағы уақытта да екі елдің игілігі үшін нығая беретініне сенім білдірді.
Екі мемлекет басшылары екіжақты сауда-экономикалық және инвестициялық ынтымақтастықты одан әрі кеңейтуге мүдделі екендіктерін білдірді.
Әңгіме Сауд тарапының бастамасы бойынша өтті.
Сурет: kapital.kz
