Алматыда Expert Update пікірталас кездесуі өтті, онда экологтар мен сарапшылар қалалардағы ауаның ластануына қарсы күрес шараларын талқылады, деп хабарлайды Tengrinews.kz.
“Қазгидромет” РМК қызметкерлерінің мәліметтері бойынша, Қазақстанның 9 қаласында, оның ішінде Алматы мен Астанада ауаның ластану деңгейі жоғары болып саналады. “Стратегия ” әлеуметтік және саяси зерттеулер орталығы” қоғамдық қорының жетекшісі Гүлмира Елеуованың пікірінше, қалаларда ауаның ластану көзі үш тараптан – жылу станциялары, көлік және жеке сектор – болып табылады
Алматы әкімдігінің деректері көрсеткендей, ластанудың 70-80%-ы қоғамдық көліктің үлесіне тиеді. Сондай-ақ, тұрғындар газбен жылытуға қосылу мүмкіндігіне ие болуы тиіс.
Әсет Наурызбаев тұрғын үйлерді көмірмен жылытуға экологиялық алым енгізуді ұсынды. Интернетте осы мәселе бойынша оқырмандар наразылық білдіруде: “газ қосу құнын арзандату мәселесін қалай шешуге болады? Мемлекет өз есебінен үйге газ жүргізсе дұрыс болар еді”.
Бұған дейін Алматы әкімі Бауыржан Байбек, тұрғындар жиі шағымданатын тұмша, 1980 жылдары да болағанын атап өтті.
Сурет: tengrinews.kz
