Орталық Азия мемлекеттері басшыларының консультативті кездесуінен қандай нәтижелер күтіледі, деп хабарлады «Білім карвони» мемлекеттік емес ғылыми-білім беру мекемесінің басшысы Фарход Толипов «ҚазАқпарат» ХАА-ның меншікті тілшісіне.
«Көпжылдық үзілістен кейін, өткен жылы ОА мемлекеттерінің басшылары Қазақстан астанасындағы алғашқы консультативтік кездесу аясында кездесіп, 2005-2006 жылдан бастап барлық аймақтық интеграциялық үдерістер тоқтатылды. Алайда, бұл кездесу кеңестік сипатқа ие, ол жалпы диалогқа және жинақталған өңірлік мәселелер бойынша пікір алмасуға арналған»,-деді Ф. Толипов.
Сарапшы қазірдің өзінде Орталық Азия диалогын институттандыру процесін іске қосу, яғни консультативтік кездесулер форматынан толыққанды ресми саммиттерге көшу қажеттілігі туындап отыр деп пайымдайды.
«Кеңес беру кездесулерінің анықтамасы бойынша эволюциялануы тиіс. Бұл тұрғыда Орталық Азия елдерінің басшылары 2005 жылы тоқтатылған Орталық Азия ынтымақтастығының (ОАЫ) қызметін қайта жаңғырту туралы мәселені қарастырғанын қалаймыз. Менің ойымша, мұндай құрылымды жаңарту өңірдің барлық елдері үшін стратегиялық маңызды қадам болар еді», – деді ол.
Естеріңізге сала кетейік, Орталық Азия елдері басшыларының алғашқы Консультативтік кездесуі Қазақстан астанасында 2018 жылдың наурыз айында өтті. Екінші кездесу биылғы жылдың 29 қарашасында Ташкентте жоспарланған. Бұған дейін Өзбекстан астанасында Орталық Азия мемлекеттері басшыларының бірлескен кездесуі туралы айтылды.
