Қазақстан Президенті жанындағы Қазақстан стратегиялық зерттеулер институты Халықаралық зерттеулер бөлімінің ғылыми қызметкері Қымбат Нұрғалиева Қасым-Жомарт Тоқаев халықаралық саясаттағы кадрлық шешімдерді Қазақстанның рөлі мен ықпалын күшейтуге бағыттағанын мәлімдеді.
“Қазақстан президенті Қасым-Жомарт Тоқаев өз сөзінде көпвекторлы стратегияны жүзеге асыруды мемлекеттің сыртқы саяси қызметінің басты басымдығы деп атайды. Көпвекторлы, теңдестірілген және сындарлы сыртқы саясаттың арқасында Қазақстан өзін бітімгершілік процестердің беделді қатысушысы ретінде танытты.Осыған байланысты ҚР Президенті Әкімшілігінің құрылымдық бөлімшесі ретінде сыртқы саясат және халықаралық байланыстардың жаңа бөлімдерін құру орынды болып табылады.
Бөлімдердің жұмысы стратегиялық бағыттар бойынша елдің сыртқы саяси бағытын іске асыруды қамтамасыз етуге, соның ішінде шет елдермен және халықаралық ұйымдармен ынтымақтастықты жетілдіруге бағытталған. Бұл бағытта ең алдымен Қазақстанның негізгі серіктестерімен, оның ішінде Ресеймен, Қытаймен, АҚШ – пен, Орталық Азия және Еуропалық Одақ елдерімен жан-жақты өзара тиімді байланыстарды нығайтуға, беделді аймақтық және халықаралық құрылымдармен, соның ішінде ЕАЭО, ТМД, АӨСШК, ҰҚШҰ, ШЫҰ, ЕҚЫҰ, ИЫҰ, ССТГ, БҰҰ-мен тиімді көпжақты өзара іс-қимылды нығайтуға баса назар аударылады”, – деді Нұрғалиева.
Сарапшының пікірінше, арнайы мемлекеттік органның мемлекеттің сыртқы саясатының басым бағыттарына бағытталған ұсыныстарды жүзеге асыруы – мемлекеттік басқару жүйесін жетілдіру және сыртқы саясатта белгілі бір стратегияның іске асырылуын бақылау Президенттің ұтымды ұйымдастырушылық-кадрлық шешімдерін жүзеге асырады. Бұл шешімдер халықаралық аренада Қазақстан Республикасының ұлттық мүдделерін жүзеге асыруға және халықаралық саясатта мемлекеттің рөлі мен ықпалын күшейтуге бағытталған.
Сурет: inform.kz
