Республикамыздағы белгілі саясаттанушы Ислам Кураев Жамбыл облысының Қордай ауданында болған тәртіпсіздіктерге түсінік берді. Бұл туралы ҚазТАГ ақпараттық ресурсы хабарлады.
Қазақстандық сарапшы біздің республикада қазіргі шындыққа қатысты этно-саяси көзқарастарды қайта қарау қажет деп санайды.
«Менің ойымша, билік қазіргі жағдайдан алшақ, барлық мәселе осыған байланысты. Бұл жағдайда шенеуніктерді бірінің орнына бірін тағайындау емес, түбегейлі өзгерістер қажет», — дейді саясаттанушы.
Ислам Кураев Қазақстан билігі Қордай аймағында орын алған жағдайға дайын емес екенін көрсетті, оның пікірінше, оған тәртіпсіздікке ұзақ уақыт көңіл бөлінбеуі дәлел.
«Әдетте, барлығы жоғарыдан нұсқаулар күтеді. Бұндай жағдайды өз қолына алып, тәуекелге баратын бастамашыл менеджерлер қажет, тіпті адамдардың жұмысынан шығып қалуы маңызды емес, мәселені шешу маңызды », — деп толықтырды Кураев.
Қордай аймағында тәртіпсіздіктер үстіміздегі жылдың 7 ақпанында болған. Қақтығыс салдарынан адамдар, соның ішінде құқық қорғау органдарының қызметкерлері қаза тауып, жарақат алды. Сонымен қатар, жергілікті тұрғындардың тұрғын үйлері қирады. Жалпы, тәртіпсіздікке қатысушылар саны 300-ге жуық адамды құрады.
Сурет: Eadaily.com
