Ресей астанасындағы сайлау учаскесінде дауыс берген Еуразиялық экономикалық комиссияның Экономика және қаржы саясаты жөніндегі министрі болып табылатын Тимур Жақсылықов Мәжіліске сайлау нәтижелері плюрализмді, демократияны және азаматтық қоғамды дамыту жолындағы маңызды кезең болатынын мәлімдеді. Бұл туралы “ҚазАқпарат”жаңалықтар ресурсы хабарлайды.
Жақсылықовтың пікірінше, өткен Мәжіліс сайлауы елдегі парламентаризмді дамыту, сондай-ақ Қазақстан Республикасының басшысы бастамашылық еткен саяси реформаларды жүзеге асыру жолындағы маңызды кезең болып табылады.
“Сайлау әйелдер мен жастар үшін квотаны ескере отырып өткізіледі. Бұл бастама қалың жұртшылықты еліміздің саяси өміріне белсенді тартуға бағытталған. Парламенттік сайлаудың басты ерекшелігі көппартиялылық пен саяси плюрализмді дамыту болып табылады”, – деп министр есептейді.
Сондай-ақ, ол Мәжіліс сайлауының қорытындысы бойынша лайықты саясаткерлердің өтетініне сенім білдірді.
“Біз көптеген жаңа есімдерді көреміз, олар патриоттық рухта болады, қазақстандық қоғамның мүдделерін одан әрі қорғауды қамтамасыз етеді және тұтастай алғанда саяси пікірлердің барлық спектрін білдіретін болады. Бұл біздің еліміздегі плюрализмді, демократияны және азаматтық қоғамды дамыту жолындағы өте маңызды кезең болады”, – деді ЕЭК Алқасының мүшесі.
Сонымен қатар, Жақсылықов сайлау учаскесінің дайындығы мен қызметін ұйымдастырудың жоғары деңгейін атап өтті.
“Іс-шара жоғары деңгейде ұйымдастырылды. Эпидемия жағдайында елшілік сайлаудың сәтті өтуі үшін қолдан келгеннің бәрін жасады”, – деп түйіндеді ол.
