Нұр-Сұлтанда Қазақстан Коммунистік Халық партиясының кезектен тыс съезі өтті, оның қорытындысы бойынша саяси бірлестіктің ребрендингін өткізу туралы шешім қабылданды, деп хабарлайды “ҚазАқпарат” ақпарат ресурсы.
Енді коммунистер Қазақстанның Халық партиясына айналды. Саяси бірлестіктің көшбасшысы Айқын Қоңыровтың түсіндіруі бойынша, ребрендинг саяси және әлеуметтік-экономикалық жағдайды өзгеруге деген сұраныстың болуы және саяси процестерге ден қою қажеттілігімен байланысты.
Партия мүшелеріне саяси бірлестік бағдарламасына тиісті өзгерістер енгізу, сонымен бірге Қазақстанның Халық партиясы Жарғысының жаңа редакциясын бекіту ұсынылды.
Съезге дейін ҚКХП біздің мемлекеттегі жалғыз оппозициялық партия екенін айтқан болатын. Сондай-ақ, ол Парламенттік сайлауда саяси бірлестік мүмкіндігінше көп депутаттық мандат алуға ниетті екенін айтты.
Қазақстан Социалистік қозғалысының тең төрағасы Айнұр Құрманов бұл атау қисынды, өйткені партияның коммунистік идеологияға ешқандай қатысы болған жоқ, деп санайды.
“ҚКХП атауын өзгерту елде жүргізіліп жатқан жалпы декоммунизация саясатының бір бөлігі болып табылады және ең жоғарғы деңгейде келісіліп, жоспарлануы мүмкін. Келесі жылы Мәжілістің жаңа құрамы Украинадан көшіріп алынған “Ашаршылық туралы” Заң қабылдағаннан кейін, елдегі коммунистік идеологияға тыйым салынатынын жоққа шығаруға болмайды. Сондықтан болашақ парламенттік партиямен осының салдарынан қақтығыспас үшін, алдын-ала атауын өзгертуде. Оның атынан басқа, басынан бастап солшыл идеялар мен коммунизмге ешқандай қатысы болған жоқ”, – дейді саясаткер.
Сурет: inform.kz
