Денсаулық сақтау саласында маманданған қазақстандық сарапшы Әли Нұрғожаев өз әріптестерімен бірге біздің республикада медицина қызметкерлерін жеке қорғану құралдарымен қамтамасыз ету бойынша зерттеу жүргізгенін айтты, деп хабарлайды informburo.kz жаңалықтар арнасы.
Нұрғожаевтың айтуынша, зерттеу Алматы, Қарағанды, Шығыс Қазақстан, Солтүстік Қазақстан, Маңғыстау және Ақмола облыстарында жүргізілді.
Зерттеу нәтижелері бойынша қазақстандық сарапшылар көп жағдайда медиктерге жеке қорғану құралдары жетіспейді деген қорытындыға келді.
“3 айдың ішінде 80 стационарға бахила мен бетперде киген қажеттілікті есептегегде 14,4 миллиард теңге қажет. Көзілдірік, қолғап және басқа да жеке қорғану құралдарының міндетті шығындарын есептегенде қажеттілік 72 миллиард теңгені құрайды – бұл денсаулық сақтау бюджетінің 4,5%- ы”, – деді сарапшы.
Сондай-ақ, Әли Нұрғожаев мәселені шешу қалай жосрарланып отырғанын айтты. Оның айтуынша, “Сорос-Қазақстан” қоры аймақтық стационарларға берілетін жеке қорғаныс құралдарын сатып алуға 23 миллион теңге бөлді. Ол өңірлік стационарларға беріледі.
Соңғы мәліметтерге сәйкес, Қазақстан Республикасында коронавирустық инфекцияны жұқтырудың 2660 оқиғасы ресми түрде тіркелді. Олардың ең көп саны – 842 оқиға Алматыда анықталды.
