AERC қолданбалы экономиканы зерттеу орталығының басқарушы директоры Олжас Төлеуов Facebook әлеуметтік желісіндегі парақшасында Қазақстан Республикасында нақты жұмыссыздық деңгейінің ұлғаюының кейбір қауіптері белгіленіп отырғанын атап өтті.
«Қазақстанда сыртқы сұраныстың әсерінен — мұнай бағасының түсіу, экспорт деңгейінің төмендеуі және ішкі сұраныс — коронавирустың таралуына қарсы күрес жөніндегі карантиндік шаралар аясында нақты жұмыссыздық деңгейінің артуы қаупі байқалуда», — деп жазды Төлеуов.
Оның айтуынша, «Атамекен» Ұлттық Кәсіпкерлер палатасы жүргізген сауалнаманың қорытындысы бойынша, өткен аптада 6252 бизнес-субъектілердің 60 пайызы қызметкерлерге жалақы төлеуде қиындықтар болатынын, сондай-ақ оларды ақысыз демалысқа жіберуді жоспарлап отырғанын мәлімдеді.
«Сонымен қатар, қазақстандық шағын және орта бизнес сегментінде қызмет көрсету саласында жұмыс істейтін және қазір ең жоғары тәуекел аймағында орналасқан, 1,6 миллион қызметкер бар – Қазақстан Республикасындағы барлық жұмыспен қамтылған халықтың 18 пайызы», — деп түсіндірді сарапшы.
Сонымен қатар, ол атап өткендей, Америка Құрама Штаттары мен Канадада жұмыссыздық бойынша жәрдемқы алуға өтінім деңгейі ұлы депрессия кезінен бастап ең жоғары деңгейге жақындап келеді.
«Goldman Sachs болжамы бойынша, өткен аптада Америкадағы жұмыссыздық бойынша жәрдемақы алған адамдардың саны 2,25 миллионды құрады.Бұл мемлекеттің бүкіл тарихындағы абсолютті максимум, осылайша американдық экономикада «ресми» терең рецессияға жол ашты », — деп қорытындылады Олжас Төлеуов.
Сурет: kaztag.kz
