Маңғыстау облысы Қазақстанда сапалы білім алудың қол жетімділігі бойынша ең нашар деп танылды, деп хабарлайды MediaNet Халықаралық журналистика орталығы.
“Маңғыстау облысы сапалы орта білімге қол жеткізу теңсіздігі индексі бойынша рейтингте соңғы орында болды. Ол, атап айтқанда, білім беру кадрларының сапасын бағалайтын критерий бойынша елдегі ең төменгі көрсеткіштердің бірін көрсетті. Сапалы білімге қол жеткізу тұрғысынан ең қолайлы жағдай Павлодар облысында қалыптасты”, – делінген бейсенбі күні таратылған хабарламада.
Сапалы білімге қол жеткізудің теңсіздік индексі (Index of Disparity in access to Quality Secondary Education IDAQSE) Орталық Азия елдері үшін арнайы “PaperLab”ҚҚ басшылығымен трансшекаралық зерттеушілер тобымен әзірленген. Оның негізінде мемлекеттер тікелей әсер етуі мүмкін бірқатар ресми өлшенетін көрсеткіштер бар. Қазақстан үшін көрсеткіштер үш топқа бөлінген:” оқыту шарттары”,” білім беру акторлары”,”акт қолжетімділігі”.
“Оқыту шарттары” критерийіне үш көрсеткіш енгізілген: үш ауысымда оқытатын мектептердің үлесі; авариялық мектептердің үлесі; ауладағы дәретханалары бар мектептердің үлесі. Аталған көрсеткіштермен ең нашар жағдай Алматы облысында қалыптасты. Павлодар облысы, керісінше, сапалы білім алу үшін жақсы жағдайға ие”, – делінген хабарламада.
“Білім беру акторы” критерийі төрт көрсеткішті қамтиды: жоғары білімі бар мұғалімдердің үлесі; жоғары білімі бар бір мұғалімге шаққандағы оқушылар саны; мұғалімнің орташа жалақысының өңір бойынша орташа жалақыға қатынасы; оқуын жалғастырған 11-сынып түлектерінің үлесі. Осы көрсеткіштер тобы бойынша басты аутсайдер Нұр – сұлтан, көшбасшы Түркістан облысы болды.
“Акт қолжетімділігі” критерийі төрт көрсеткіштен тұрады: интернетке қолжетімділігі бар мектептердің үлесі; бір мектеп компьютеріне келетін оқушылар саны; Интернет қызметінің құны мен өңірдегі орташа жалақының арақатынасы; ең арзан ноутбук құнының және өңірдегі орташа жалақының арақатынасы. Акт барынша қол жетімділігін Атырау облысы көрсетті, ең төменгісі – Шымкент”, – делінген хабарламада.
