Жоғары Еуразиялық экономикалық кеңес отырысы аясында ЕЭО мүше-елдерінің басшылары бірлескен қызметке қатысты бірқатар келісімдерге қол қойды.
Бұл туралы “ҚазАқпарат” ХАА хабарлайды.
Атап айтқанда, Ресейдің Санкт-Петербург қаласында өтіп жатқан кездесу алаңында тараптар Еуразиялық интеграцияны дамыту саласына және ЕАЭО елдерінің ортақ еңбек нарығына қатысты мәселелерді талқылады.
Сондай-ақ Жоғары Еуразиялық экономикалық кеңестің отырысында бірыңғай қызметтер нарығына және Одақтың ішкі нарығының жұмыс істеуіне қатысты мәселелерге назар аударылды. Сонымен қатар бәсекелестік және энергетика мәселелері қаралды.
Санкт-Петербургтегі кездесудің маңызды бөлігі Еуразиялық экономикалық одаққа мүше елдердің еңбеккерлерін зейнетақымен қамсыз ету туралы келісімге қол қою болды.
Құжатқа қол қою барысында ол еңбеккерлерге тек жұмыс істеген жылдары ғана емес, сонымен қатар ЕАЭО-ның басқа мемлекеттеріндегі еңбек еткен жылдары үшін де зейнетақы алуға мүмкіндік беретіні айтылды.
Сурет: from-ua.com
