Әлеуметтік желілерде біздің мемлекет Ресей Федерациясына улы және радиоактивті қалдықтарды кәдеге жаратқаны үшін 20 миллиард теңге төлейтіні туралы хабарлама пайда болды.Бұл туралы Tengrinews.kz.ақпарат ресурсы хабарлайды.
Әңгіме Байқоңырдың аумағында орналасқан карьерлер туралы болды. Хабарламада оларға улы және радиоактивті қалдықтар орналастырылатын болады деп айтылды.
Қазақстанның цифрлық даму министрлігі мұндай мәліметтер жалған екенін мәлімдеді, себебі екі бауырлас ел арасында осы мәселе бойынша ешқандай уағдаластық жоқ.
“Бұл карьерлерде уытты және радиоактивті қалдықтарды, сондай-ақ металл сынықтарын орналастыру қарастырылмаған және Қазақстан заңдарына қайшы келеді. Қызылорда облысы бойынша экология департаментінің мамандары Байқоңыр ғарыш айлағының барлық нысандарына тұрақты түрде еркін қатынай алады, сонымен қатар ресейлік және қазақстандық ұйымдарды жоспарлы түрде тексереді”, – деп хабарлады министрлікте.
Ведомство карьерлерде тек құрылыс қалдықтарын орналастыратынын айтты. Сонымен қатар, бұл нысандарды абаттандыру бауырлас ел есебінен жүзеге асырылады.
Қазақстан цифрлық даму министрлігінде мұндай хабарлама жалған және оны тарату мақсаты арандатушылық болып табылатынын атап өтті. Еліміздің азаматтарын тексерілмеген дереккөздерге сенбеуге шақырады.
