Карантиндік шектеулерге байланысты біздің азаматтарға мемлекеттік қызметтерді электрондық үкімет порталы арқылы алуға тура келеді, алайда оның жұмыс істеуі әлі күнге дейін қанағаттанарлықсыз болып отыр, бұл қазақстандықтар арасында наразылық туғызуда.
Жақында электронды Үкімет порталына республикамызға танымал адвокат Джохар Өтебеков шағымданды. Ол сайттың нашар жұмыс істеуіне байланысты құқық қорғау органдарына өтініш жібере алмағанын айтты.
Адвокатты сондай-ақ Қазақстанда төтенше жағдай кезеңінде электрондық үкімет порталының тиісінше жұмыс істемегені үшін “Ұлттық ақпараттық технологиялар” компаниясының басқарма төрағасын неге әлі күнге дейін жұмыстан босатпағаны қызықтырады.
“Төтенше жағдай кезінде миллиондаған адамдар 42500 теңге әлеуметтік төлемін ала алмай үрейленді”, – деп наразылық білдірді Өтебеков.
Оның шағымына мемлекетіміздің Цифрлық даму министрлігінің басшысы Бағдат Мусин жауап берді. Ол жақын арада Қазақстанда электронды үкімет сайтында ғана емес, барлық жерде мемлекеттік қызметтер көрсетілетінін мәлімдеді.
“EGovMobile-ға кіру биометрия бойынша болады. “Яғни, кез-келген азамат қосымшаны жүктеп алып, телефон арқылы бет-бейнеңізді көрсетсеңіз, қолданушы болдыңыз! Бұл тіпті белгілі бір мағынада электрондық цифрлық қолтаңбаны алмастырады. Өтініштермен жұмыс істеу тәсілін WhatsApp-та мәтін жазу сияқты оңай жіберуге болатындай етіп өзгертеміз”, – деп уәде берді министр.
Сурет: kaztag.kz
