Өткен жылдан бастап Өзбекстан Республикасының қаржы нарығында өз қызметін жүзеге асырып келе жатқан Қазақстанның Tenge Bank басшылығы Самарқанд қаласында филиал ашуды жоспарлап отыр. Сонымен қатар, Банк Ферғанда да бөлімше ашуға ниетті. Бұл туралы Самарқанд облысы әкімшілігінің баспасөз қызметінен хабарлады.
Tenge Bank-тің алғашқы өкілдігі Өзбекстан астанасында пайда болған болатын, бүгінгі таңда онда заңды тұлғалар мен бизнесмендерге қызмет көрсетіледі. Үш жылдық кезеңге арналған стратегия мақұлданып, оған сәйкес аталған банк Өзбекстан аумағында бірқатар филиалдарды ашуды жоспарлап отыр.
Банк басқармасының басшысы Аслан Талпақов Самарқанд облысының әкімі Эркинжон Турдимовпен кездесіп, Самарқандтағы болашақ бөлімшенің жұмыс істеу шарттарын талқылады.
Турдимовтың айтуынша, заңды және жеке тұлғалар тарапынан кредиттерге деген сұраныс өте жоғары, экономикалық белсенділік артып келеді. Сондай-ақ, соңғы бірнеше жылда несие нарығында сұраныс ұсыныстан әлдеқайда жоғары болды. Облыс әкімі Өзбекстанның қаржы нарығы ынтымақтастыққа дайын екенін атап өтті.
Талпақов филиалда халыққа да, кәсіпкерлерге де бизнес-орта үшін ең бәсекелестік жағдай жасай отырып, кредит беруді жоспарлап отырғанын мәлімдеді. Кредиттер инвестициялық мақсаттарға және айналым қаражатын толықтыруға бөлінетін болады. Сонымен қатар, Tenge Bank аймақтың бизнесмендерімен танысу семинарларын, сондай-ақ түрлі форматтағы кездесулер өткізеді.
Сурет: podrobno.uz
