Ахметжан Есімов-“Самұрық-Қазына “ұлттық әл-ауқат қоры” акционерлік қоғамының Басқарма төрағасы, XXIII Петербург Халықаралық экономикалық форумы аясында ресейлік және еуропалық компаниялардың басшыларымен инвестициялар мен әріптестік мәселелеріне қатысты келіссөздер жүргізді.
Қордың баспасөз қызметінің хабарлауынша, Германиядан келген “Шнейдер Электрик” өкілдерімен кездесу кезінде “Самұрық-Қазына” өндіруші компанияларын цифрландыру және аталған салада қазақстандық кадрларды жүйелі даярлау мәселелері талқыланды.
“Біз мұнайшылар үшін оқу орталығын ашу туралы шешім қабылдадық. Шнейдер Қордың портфельдік компанияларының еншілес компаниялары үшін кадрлар дайындауға көмектеседі”, – деді”Шнейдер Электрик” басшысы.
Сонымен қатар, Ахметжан Есімовтың Ресей мен ТМД-дағы KPMG басқарма төрағасы-басқарушы әріптесі Олег Гощанскиймен кездесуі барысында цифрландыруды талқылады. Тараптар Орталық Азия өңірінде KPMG Digital Village ашу жөніндегі қазіргі жобалар бойынша жұмыс мәртебесі мен KPMG жоспарларын және “Самұрық-Энерго”-мен өзара іс-қимыл мәселелерін талқылады.
Ахметжан Есімов форум алаңында ВТБ Банкі Басқармасының Төрағасы – Президенттің бірінші орынбасары Юрий Соловьевпен, сондай-ақ “AEON Corporation” директорлар кеңесінің төрағасы Роман Троценкомен полипропилен өндірісіне қатысты, алтын кен орындары мен азот-минералды тыңайтқыштар бойынша жобаларда өзара іс-қимыл әлеуетін талқылады.
Сондай-ақ Ахметжан Есімов “Лукойл” АҚ президенті Вагит Алекперовпен келіссөздер жүргізді. Келіссөздер аясында мұнай-газ саласындағы инвестициялық әріптестікті одан әрі дамыту мәселелері талқыланды. Каспий теңізінің қазақстандық секторында орналасқан “I-P-2” жобасы шеңберіндегі өзара іс-қимылдың негізгі шарттары келісілді.
Сурет: bnews.kz
