“Самұрық-Қазына” ұлттық әл-ауқат қорының төрағасы Ахметжан Есімов пен Түркістан облысының әкімі Өмірзақ Шөкеев ынтымақтастық туралы меморандумға қол қойды.
Қол қойылған құжатқа сәйкес, тараптар Түркістан облысын газдандыру, энергетика кешенін, электрондық сауда мен пошта желісін дамыту сияқты бағыттарда ынтымақтасатын болады.
Сонымен қатар, меморандум Smart City ақпараттық-коммуникациялық инфрақұрылымын дамытуда ынтымақтастықты көздейді. Осыған орай, Ұлттық әл-ауқат қоры 97 мектеп пен аурухана, талшықты-оптикалық байланыс желісін, сондай-ақ Түркістан облысында радиожелілердің құрылысын қамтамасыз ететін болады.
“Бүгінгі таңда Түркістан қаласында Қор компанияларында 19 мыңнан астам қызметкері бар 20 кәсіпорын мен филиал жұмыс істейді. “Самұрық-Қазына” электр энергетикасы, газ, пошта, ақпараттық және экономиканың басқа да салалары бойынша бірнеше жобаны жүзеге асыруда”, – деді Ахметжан Есімов.
Өз кезегінде аймақ басшысы меморандум облыстың әлеуметтік-экономикалық дамуына және адамдардың әл-ауқатына қосымша үлес қосатынына сенім білдірді.
Сурет: time.kz
